Притвор побара штипското Обвинителство за 43 годишниот Скопјанец кој на 24 август насилно влезе на спортски терен и повреди две 15 годишни момчиња кои играле фудбал во младинските фудбалски екипи на фудбалските клубови „Брегалница“ и „Шкупи“.

Против него е поведена постапка за насилство, откако нападнал две момчиња нанесувајќи им телесни повреди, односно скрешен нос и набиеници.

„Со дејствијата тој ја загрозил сигурноста на две деца родени 2010 година, играчи за тимот на „Беласица“, нанесувајќи им телесни повреди. Освен тоа, кај оштетените, останатата присутна публика и во јавноста предизвикал чувство на несигурност, загрозување и страв“, се вели во соопштението од Обвинителството.

Нападот се случил во 89-тата минута од натпреварот, кога судијата поради прекршок доделил втор жолт картон со што го исклучил од игра синот на осомничениот, кој играл за „Шкупи“.

„Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди – повеќе набиеници и скршеница на нос без дислокација. На игралиштето влегле и други лица од публиката, кои спречиле натамошна ескалација на настанот“, соопштија од обвинителството.

Штипскиот јавен обвинител побарал од Судот да му се додели мерка притвор на осомничениот поради опасност од бегство и можност да го повтори делото.

Видете и ова:

Спортскиот терен - политичка предизборна арена со националистички скандирања

Во меѓувреме Фудбалската федерација на Македонија (ФФМ) соопшти дека повела дисциплинска мерка според која на младиот фудбалер од клубот Шкупи му е изречена санкција исклучување од фудбалската организација поради нанесување на сериозни повреди на играч од спротивен тим.

Во соопштението е наведено дека на синот на осомничениот му се приклучиле двајца соиграчи кои извршиле физички напад и нив им е изречена казна -забрана на играње во траење од три (3) месеци.

„ Дополнително, беше утврдено дека играч на ФК Брегалница 2008 се впуштил во груба игра и пречекорена самозаштита, реагирајќи на нападот. За неговата постапка, му е изречена казна – забрана на играње на четири (4) натпревари“, се вели во соопштението на ФФМ.

Дисциплинската комисија на ФФМ утврдила и одговорност кај двата младински фудбалски клубови.

Против ФК Шкупи 1927 е поведена дисциплинска постапка поради физички напад од родители/навивачи врз противнички играчи, со што е сторен тежок прекршок. Додека против ФК Брегалница 2008 е поведена дисциплинска постапка поради слаба организација на натпреварот и пропуст во обезбедувањето.

Во двата случаи евентуалните санкции ќе се однесуваат на конкретната екипа, помлади пионери учествувале на натпреварот.

Поведена е и дисциплинска постапка протов Алејса Виши, координатор на млади категории на ФК Шкупи 1927, затоа што во излажал, односно ФФМ го известил дека на натпреварот ќе присуствуваат шеф на стручен штаб и кондициски тренер кои воопшто не присуствувале на натпреварот Брегалница – Шкупи 1927.

Притвореник почина вчера во истражниот затвор „Скопје“ во Шуто Оризари, информираа на 31 август од Министерството за внатрешни работи. Притвореникот бил еден од 36 те обвинетите во предметот „Синдром“ што се однесува на злоупотреби и поткуп при издавање инвалидски пензии и туѓа нега. Тој од април годинава се наоѓаше во притвор во затворот во Шуто Оризари.

Адвокатот Асмир Алиспахиќ, роднина на починатиот, на социјалната мрежа Фејсбук напиша дека починатиот притвореник, кој изминатите пет месеци бил во притвор, не добивал терапија соодветна на неговата здравствена состојба.

„Човек кој има сериозни дијагнози можел и дома да почине, но тој требало да прима секојдневна терапија. Вие ги знаете условите во затворите, таму нема основни услови за секојдневен живот а најмалку да примаат терапии какви што требало да ги прима 24/7 човек со ваква дијагноза“, напиша Алиспахиќ.

Од Кривичниот суд велат дека имале информации за повеќе дијагнози, но не и за канцер.

„При сослушување, ниту обвинетиот лчно ниту преку бранителот известиле дела боледува од рак. За време на издржувањето на мерката притвор од страна на судот редовно и навремено истиот е спроведуван на сите потребни медицински прегледи.
Веќе определената мерка судот може да ја промени по предлог на странките, а бранителот на обвинетиот таков предлог поднесе во петокот на 29 август“, се вели во соопштението од Судот.

Во него е наведено дека постапката за одлучување била во тек. Во соопштението е наведено дека Судот изразува длабоко жалење за загубата на човечкиот живот.

Ставен под контрола големиот пожар што попладнево изби на депонијата во Вардариште, а набргу ќе започне и пуштањето на електрична енергија, информираaт од Дирекцијата за заштита и спасување.

Пожарот предизвика прекин на струја во општината Аеродром, населбата Ново Лисиче, и околните населени места, а поради сериозноста пожарот да не направи дополнителна штета се исклучија далноводите.

Од Дирекцијата за заштита и спасување (ДЗС) велат дека без струја останаа населбите Аеродром, Лисиче, Методија Андонов Ченто, индустриската зона, Кванташки пазар, Арачиново, Стајковци, Трубарево и Бунарџик.

„Пожарот во депонијата Вардариште е целосно ставен под контрола. Набргу, дел по дел, ќе биде пуштена електричната енергија“ изјави директорот на ДЗС Стојанче Ангелов.

Видете и ова:

Гори депонијата Вардариште, превентивно исклучени неколку далноводи

Претходно во соопштението од ДЗС беше наведено дека постојат сомневања дека се работи за намерно предизвикано палење на депонијата Вардариште“.

Според последните информации објавени од Центарот за управување со кризи на целата териоторија на државата утрово биле евидентирани четири пожари на отворено кои се ставени под контрола.

Станува збор за пожари во општината Македонски брод каде што на подрачјето Јасен горела мешана шума, потоа на планината Кожуф, и во општините Долнени и Делчево каде што била запалена градската депонија.

Пожар ја зафати депонијата Вардариште во близина на скопската населба Лисиче. Од Дирекцијата за заштита и спасување (ДЗС) потврдуваат дека пожарот настанал попладнево.

„Денес попладне изби пожар во депонијата Вардариште. Од безбедносни причини исклучени се неколку далноводи поради што без напојување со електрична енергија останаа делови од населбите (или цели населби) Аеродром, Лисиче, Методија Андонов Ченто, индустриската зона, Кванташки пазар, Арачиново, Стајковци, Трубарево и Бунарџик. Поради обемот на пожарот и опасноста да се прошири надвор од депонијата како помош на БППЗ Скопје се испратени еден БТР, еден хермелин и еден тим на ДЗС. Далноводите ќе бидат пуштени по санирањето на пожарот“, се наведува во соопштението од ДСЗ.

Според Дирекцијата, „постојат сомневања дека се работи за намерно предизвикано палење на депонијата Вардариште“.

Видете и ова:

Невреме во Скопје: паднати покриви, оштетени возила и пожари

Според последните информации објавени од Центарот за управување со кризи на целата териоторија на државата утрово биле евидентирани четири пожари на отворено кои се ставени под контрола.

Станува збор за пожари во општината Македонски брод каде што на подрачјето Јасен горела мешана шума, потоа на планината Кожуф, и во општините Долнени и Делчево каде што била запалена градската депонија.

Во гранатирањето од страна на Суданските сили за брза поддршка загинаа најмалку седум лица, а 71 беа ранети во Ел-Фашер, изјави медицински извор во неделата, додека паравоената група (РСФ) ја започна својата најжестока офанзива досега врз опколениот град.

Ел-Фашер, последниот голем град во огромниот западен регион Дарфур кој сè уште е под контрола на армијата, стана најнасилната фронтовска линија во војната меѓу суданската армија и РСФ, која избувна во април 2023 година.

Во последните недели, паравоените сили ја засилија својата долготрајна опсада, лансирајќи жестоки артилериски баражи и копнени упади во густо населените населби, аеродромот во градот и кампот за раселени лица Абу Шук, погоден од глад.
Ретките болници кои сè уште работат беа постојано бомбардирани, а локалната полициска станица беше заземена од паравоената група РСФ.

Медицинскиот извор, кој побара анонимност од безбедносни причини, рече дека вистинската бројка од нападот во саботата е „веројатно поголема“, бидејќи многу повредени не можеа да стигнат до болницата поради интензитетот на нападите на РСФ.

Видете и ова:

Израел бара од глобалниот монитор за глад да го повлече извештајот за Газа

Меѓу ранетите, претежно повредени од шрапнели, 22 се во критична состојба, според изворот, кој бил контактиран преку сателитски интернет за да се заобиколи прекинот на комуникацијата.

Локалните активисти изјавија дека нападот погодил неколку населби во западниот дел на градот во близина на аеродромот, кои силите на РСФ се обидувале да ги освојат.

Централната покраина Пенџаб во Пакистан се соочува со една од најлошите вонредни поплави во поновата историја, бидејќи поплавите влијаат врз животите на повеќе од 2 милиони луѓе и однесоа 33 животи во текот на изминатата недела, соопштија официјални лица во неделата.

„Поплавите во три источни реки влијаеја врз животите на 2,06 милиони луѓе“, изјави за германската новинска агенција ДПА, портпаролот на покраинскиот орган за управување со катастрофи, Мажар Чадухари.

Тој рече дека властите евакуирале 760.000 луѓе на безбедни локации во 511 кампови за помош поставени во покраината.

Видете и ова:

Пакистан евакуира половина милион луѓе заробени поради поплавите

Повеќе од 2.000 села се поплавени од три реки: Ченаб, Сутлеџ и Рави. Поројните дождови во соседна Индија ги влошија поплавите откако вишок вода беше испуштена во Сутлеџ и Рави - обете контролирани од Индија според Договорот за води на Инд.

Најмалку 33 лица ги загубија животите досега во Пенџаб во текот на изминатата недела, додека бројот на жртви од инциденти поврзани со дождови од 26 јуни се искачи на 849, според Националниот орган за управување со катастрофи.

Издадено е предупредување за поплави за низводните области на Пенџаб и јужната покраина Синд, бидејќи се очекува проток од над 31.000 кубни метри во секунда во следните 24 часа.

Процесот на евакуација во Синд започна и десетици илјади луѓе се преместуваат на побезбедни места.

Главниот министер на Синд, Мурад Али Шах, изјави за медиумите дека неговата влада „ќе ги заштити животите и добитокот под какви било околности“.

Монсуните, сезона на обилни дождови во Јужна Азија што трае од јули до септември, беа непредвидливи и посурови во последните години под влијание на климатските промени, убивајќи илјадници и погодувајќи милиони.

Повеќе од 2.000 луѓе беа убиени во супер поплавите што го погодија Пакистан во 2022 година, потопувајќи една третина од земјата, што претставува копнена маса поголема од големината на Обединетото Кралство.

На средбата со кинескиот претседател Си Џинпинг, индискиот премиер Нарендра Моди изјави дека Њу Делхи е посветен на подобрување на односите со Пекинг. Лидерите разговараа за потребата од проширување на трговските и инвестициските врски во контекст на американските царини.

Моди е во Кина за прв пат по седум години за да присуствува на дводневен состанок на Шангајската организација за соработка, заедно со рускиот претседател Владимир Путин и други лидери од Централна, Јужна и Југоисточна Азија и Блискиот Исток, во знак на солидарност од глобалниот Југ. Средбата меѓу кинеските и индиските лидери беше организирана на маргините на самитот.

Кинескиот претседател Си изјавил дека Кина и Индија треба да бидат партнери, а не соперници, додека Моди додал дека сега меѓу нив има „атмосфера на мир и стабилност“.

Билатералната средба се случи пет дена откако Вашингтон воведе царини од 50 проценти за индиските стоки поради купувањето руска нафта. Аналитичарите велат дека Си и Моди се стремат да претстават обединет фронт против притисокот од Западот.

Лидерите разговараа и за проширување на заедничките интереси за билатерални, регионални и глобални прашања, како и за предизвици како што се тероризмот и трговијата на мултилатерални платформи.

„Ние сме посветени на унапредување на нашите односи врз основа на меѓусебно почитување, доверба и чувствителност“, изјави Моди.

Видете и ова:

Путин во Кина и уште пет работи што треба да се следат на овогодинешниот самит на ШОС

Моди смета дека е создадена атмосфера на „мир и стабилност“ на спорната хималајска граница, местото на долготрајна воена криза по смртоносните судири на војниците во 2020 година, кои ја замрзнаа поголемиот дел од соработката меѓу Кина и Индија.

Тој додаде дека е постигнат договор меѓу двете земји за управување со границите, без да образложува. Соседите делат граница долга 3.800 километри, која е лошо обележана и е спорна од 1950-тите.

„Не смееме... да дозволиме прашањето на границата да ги дефинира сите односи меѓу Кина и Индија“, рече Си, според извештаите на кинескиот државен медиум Ксинхуа.

Кинеско-индиските врски би можеле да бидат „стабилни и далекусежни“ доколку двете страни се фокусираат на тоа да се гледаат едни со други како партнери, а не како соперници, додаде Си.

Моди објави дека директните летови меѓу двете земји, кои беа суспендирани од 2020 година, ќе продолжат.

Папата Лав XIV во неделата ја осуди „пандемијата на оружје, големо и мало“, додека јавно се молеше за жртвите од пукањето за време на миса во католичко училиште во Соединетите Американски Држави.

Првиот американски папа во историјата зборуваше на англиски јазик додека апелираше за крај на „логиката на оружјето“ и за преовладување на културата на братство, за време на неговиот благослов во недела напладне.

„Нашите молитви за жртвите од трагичната пукање за време на миса во училиште во американската држава Минесота“, рече папата, роден во Чикаго.

„Во нашите молитви ги имаме безбројните деца убиени и повредени секој ден низ целиот свет. Да го молиме Бога да ја запре пандемијата на оружје, големо и мало, што го инфицира нашиот свет“, додаде тој.

Две деца беа убиени во среда, а 20 лица беа ранети при нападот со огнено оружје во црквата „Благовештение“ во Минеаполис, додека стотици ученици од блиското католичко училиште „Благовештение“ и други се собраа на миса.

Напаѓачот испукал 116 куршуми од пушка низ витражните прозорци на црквата, а подоцна се самоубил. Нападот повторно ја разгоре дебатата за оружјето во Америка. Оние кои поддржуваат построги проверки на биографијата за купување оружје и други закони, честопати демократи, велат дека републиканските политичари кои се повикуваат на „мисли и молитви“ по пукањата во училиштата се обидуваат да го одвлечат вниманието од сопствената неактивност во врска со ограничувањата на оружјето.

Видете и ова:

Папата го повикува Израел да ја запре војната и „колективното казнување“ на Палестинците во Газа

Веднаш по пукањето, Папата Лав се воздржа од каков било политички коментар за оружјето во Америка, испраќајќи телеграма со сочувство која се фокусираше исклучиво на духовното.

Тој рече дека е тажен од „страшната трагедија“ и го испрати своето „искрено сочувство и уверение за духовна блискост до сите погодени“.

Претходникот на Лав, папата Франциск, долго време се бунеше против индустријата за оружје и ширењето на оружје што ги поттикнува војните, осудувајќи ги производителите на оружје како „трговци на смртта“.

За време на неговиот историски говор пред Конгресот на САД во 2015 година, аргентинскиот папа ги праша пратениците зошто оружјето се продава чисто за убивање.

„За жал, одговорот, како што сите знаеме, е едноставно за пари: пари кои се натопени со крв, честопати невина крв“, рече тогаш Франциск.

Папа Лао го започна својот апел во неделата барајќи итен прекин на огнот во Украина и „сериозна посветеност на дијалогот“ од завојуваните страни.

„Време е одговорните да се откажат од логиката на оружјето и да го изберат патот на преговорите и мирот, со поддршка на меѓународната заедница“, рече тој.

Русија продолжи со воздушните напади врз Украина, погодувајќи електрани во регионот Одеса на Црното Море. Неколку други локации низ целата земја беа погодени во напади со беспилотни летала поради неизвесноста околу перспективите за мировни напори по самитот во Соединетите Држави.

Штетата на енергетската инфраструктура во нападите рано на 31 август остави повеќе од 29.000 луѓе без струја, изјави регионалниот лидер Олех Кипер на Телеграм. Приватни домови и други згради беа исто така оштетени, а едно лице беше повредено.

„Критичната инфраструктура се напојува со генератори“, рече Кипер.

Тој рече дека Черноморск, крајбрежен град јужно од Одеса, бил најтешко погоден. Противвоздушната одбрана низ целата земја собори 126 од 142 беспилотни летала што ги открија преку ноќ, додека останатите паднаа на 10 локации.

Видете и ова:

Путин во Кина и уште пет работи што треба да се следат на овогодинешниот самит на ШОС

Во меѓувреме, Путин се среќава со лидерите на Кина, Индија и неколку други земји на самитот на Шангајската организација за соработка (ШОС) од 31 август до 1 септември во Тјанџин, Кина, поради тензиите со Западот поради руската инвазија на Украина и други прашања.

Од друга страна, во Лвив, ожалостените донесоа цвеќе на местото каде што претходниот ден беше застрелан Андриј Парубиј, пратеник и поранешен претседател на парламентот.

Видете и ова:

Поранешниот претседател на украинскиот парламент, Парубиј, е застрелан во Лвив

Додека агенциите за спроведување на законот се обидуваа да го идентификуваат и уапсат напаѓачот и да бараат индиции за можен мотив за пукањето, неколку соработници на убиениот политичар ја обвинија Русија.

Пратеникот Микола Књажиски рече дека верува оти убиството на Парубиј е „руска одмазда за неговиот став“, сугерирајќи дека тој бил цел поради неговата поддршка за суверенитетот, безбедноста и единството на Украина во услови на руска инвазија.
Украинските власти не именуваа осомничен за убиството на Парубиј, кој беше претседател на украинскиот парламент од 2016 до 2019 година.

На прашањето од Радио Слободна Европа зошто Парубиј бил цел, шефот на регионалната полиција во Лвив рече дека постојат многу можни теории, вклучувајќи политички мотив и руска вмешаност. Не се презентирани никакви докази.

Нападите доаѓаат во услови на прашања за иднината на напорите за завршување на војната откако американскиот претседател Доналд Трамп се сретна со Путин во Алјаска на 15 август и со украинскиот претседател Володимир Зеленски и европските лидери во Белата куќа три дена подоцна.

Трамп и Зеленски повикаа на средба меѓу украинскиот и рускиот претседател, но руските претставници ја отфрлија идејата, сугерирајќи дека позициите на двете страни се премногу оддалечени за да бидат вредни.

Во интервју за американскиот конзервативен „Дејли Колер“, Трамп изрази помала доверба отколку што претходно имаше во изгледите за средба меѓу Путин и Зеленски во блиска иднина, но рече дека верува оти може да се случи тристрана средба, вклучувајќи го и него.

Во наредните шест месеци, жителите во Србија ќе плаќаат пониски цени за над 20 илјади производи од 23 категории. На 1 септмври ќе стапи во сила нова владина Уредба со која државата ги ограничува маржите до 20 проценти за маркетите кои лани имале приход поголем од 38 милиони евра. Според податоците од српските институции тоа значи дека сите трговски синџири ќе треба да ги применуваат тие мерки, затоа што го надминале тој лимит, а некои од нив лани имале и профоте на милијарда евра.

Српскиот министер финансии Синиша Мали, изјави дека од утре,очекува намалување на прехранбените производи за 10 до 20 проценти во просек.

„Важно е да не станува збор само за неколку производи, туку за целиот асортиман на храна што сите ја купуваме секој ден“, рече Мали во интервју за весникот Курир.

Тој изјави дека анализата утврдила дека цените на прехранбените производи, безалкохолните пијалоци и сличните производи во голема мера го диктираат нивото на инфлација и дека тоа мора да се ограничи.

Српскиот претседател Александар Вучиќ и министерката за трговија на Србија, Јагода Лазаревиќ, објавија дека морала да се дополнува Уредбата бидејќи одредени трговски синџири се обиделе да најдат начин да ги заобиколат новите правила.

„Прерано почнаа со трикови. Мислат дека се доволно мудри за да ја измамат државата“, изјави Вучиќ, коментирајќи ги реакциите на малопродажните синџири на ограничените маржи.

Како што објасни Вучиќ, трговците барале од добавувачите да ги зголемат цените за 14 до 20 проценти пред да стапи во сила Уредбата, а разликата подоцна да ја вратат преку попусти. На тој начин, трговците би ја пресметале маржата на новата, вештачки зголемена цена и би ги избегнале потенцијалните загуби што можат да настанат поради Уредбата. Во исто време, на тој начин формално би ги исполниле барањата, но со иста заработка како и претходно.

Министерката Лазаревиќ рече дека сите во Министерството „биле шокирани“ што на денот на усвојувањето на Уредбата за посебни услови за вршење трговија за одреден вид стока, некои трговски синџири „започнале со сериозен притисок врз своите добавувачи“, инсистирајќи на склучување анекс на договорот, за да направат одредени корекции, и тоа пред да стапи во сила Уредбата.

Како што објави Министерството за трговија по вонредната седница на Владата на Србија, промените го ограничија попустот за логистика и другите надоместоци. Така, Уредбата за посебни услови за вршење трговија за одреден вид стока сега содржи одредби со кои се ограничува „логистичкиот рабат“ и „надоместокот за недостиг на стока и отпис на стока“ на три и еден процент, соодветно.

Министерката за образование на Велика Британија, Бриџит Филипсон, изјави дека е „засрамена“ од нивото на детска сиромаштија во Велика Британија и најави промени во бенефициите за да се помогне во решавањето на проблемот.

Филипсон рече дека владата на Велика Британија разгледува „мерки за социјално осигурување“ како дел од својата стратегија за детска сиромаштија.

Министерката за образование е копретседателка на работната група за детска сиромаштија, која ја изготвува стратегијата на Владата за ова прашање, која треба да биде објавена на есен.

Претходно ограничувањето за две деца првпат беше објавено во 2015 година од страна на Конзервативците, а стапи на сила во 2017 година.

Видете и ова:

Секое трето дете во Северна Македонија живее во сиромаштија

Со законксите измени беа воведени и ограничувањето на бенефициите, со кои беше ограничен вкупниот износ на поддршка финансирана од даночните обврзници што едно домаќинство може да ја добие.

Британскиот Институт за фискални студии процени дека трошоците за отфрлање на двата система би биле околу 3,3 милијарди фунти односно 4,46 милијарди долари.

„Срам ми е од многу големиот број деца кои растат во сиромаштија што го гледаме во нашата земја“, изјави министерката во ТВ интервју за Скај њуз.

Таа посочи дека намалувањето на тоа ниво е „она за што влегла во политиката“.

Министерката посочи на проширувањето на грижата за деца финансирана од даночните обврзници, бесплатните училишни оброци и клубовите за појадок во Англија.

„Разгледуваме секаков начин да извлечеме повеќе деца од сиромаштија. Тоа се однесува и на мерките за социјално осигурување. Тоа не е единствениот начин да ги извлечеме децата од сиромаштија и, секако, тоа доаѓа со голема цена, но знаеме дека недејствувањето исто така доаѓа со сериозни последици и влијание“, изјави министерката.

Надбискупот од Јорк, Стивен Котрел, рече дека неуспехот да државата да се справи со детската сиромаштија е „длабоко срамно за нас како нација“ и рече дека ограничувањето за две деца е „еден од факторите што придонесуваат“.

Тој ги поддржа предлозите на поранешниот премиер Гордон Браун за поддршка на даночните реформи за коцкање и данок врз банките за финансирање на напорите за ублажување на сиромаштијата.

„Едноставно е срамен скандал што во богата земја како нашата, секој ден има деца - мислам, илјадници деца секој ден - кои одат на училиште гладни. Тие немаат соодветен душек за спиење, имаат целата стигма и влијанието на сиромаштијата што го ограничува животот. Не треба да биде вака, за што знам дека сите се согласуваат,“ изјави Котрел.

Ветената стратегија за детска сиромаштија на владата првично се очекуваше напролет, но сега треба да биде објавена наесен, а добротворните организации и организациите кои работат во секторот проценуваат дека повеќе од 100 деца дневно живеат во сиромаштија.

Неколку верски лидери потпишаа отворено писмо со кое ги повикуваат премиерот Кир Стармер и канцеларката Рејчел Ривс да го укинат ограничувањето на надоместоците за две и повеќе деца.

„Вложуваме 500 милиони фунти во развој на децата, продолжувајќи ги бесплатните училишни оброци и осигурувајќи се дека најсиромашните нема да гладуваат за време на празниците преку нов пакет за поддршка на кризата од 1 милијарда фунти,“, изјави портпаролот на Британската влада.