Никој не го чисти ѓубрето во изборно Скопје

Владата донесе одлука за вонредни инспекциски контроли, а Обвинителството отвори постапка за евентуално кривично дело поради несобирањето на комуналниот отпад во Скопје. Додека траат локалните избори, контејнерите се преполни. ЈП „Комунална хигиена“ не го собира отпадот редовно, но не одговара ниту на граѓаните, ниту на медиумите, зошто главниот град тоне во смет. Граѓаните се револтирани, а не функционира ниту градската власт меѓу двата изборни круга.