Министерот за внатрешни работи Панче Тошковски оцени дека интерпелацијата што ја поднесе за неговата работа опозициската ДУИ е „низок обид за манипулација на јавноста“, истакнувајќи дека Собранието ќе постапи како што смета.

На новинарско прашање Тошковски рече дека тезите коишто се поставувале во изминатиот период од страна на опозицијата, а особено од страна на ДУИ, сами по себе се контрадикторни.

„Македонскиот граѓанин, македонскиот народ многу добро знае што стои зад оваа интерпелација од аспект на нивно барање. Нека им е со среќа. Собранието ќе си постапи во насока на она што смета. Јас искрено сметам дека ова е еден низок обид за манипулација на јавноста“, рече министерот Тошковски, по средбата со министерот за безбедност на Босна и Херцеговина Ненад Нешиќ.

Пратеничката група на Европскиот фронт, вчера (3 декември) поднесе интерпелации за министерот Тошковски и неговиот заменик Астрит Исени, кои, како што велат, се главно одговорни за инцидентите на Денот на албанското знаме.

Видете и ова:

Европски фронт бара интерпелација на министри поради немирите, ВЛЕН ја отфрла

Координаторот на пратеничката група на ДУИ Блерим Беџети на прес-конференција рече дека Тошковски и Исени, на денот на празникот на албанското знаме, како одговорни лица, и наредиле на полицијата на невиден и неоправдан начин да интервенира, спречувајќи мирна и традиционална манифестација на Албанците.

ДУИ поднесе интерпелации и за вицепремиерите Изет Меџити и Иван Стоилковиќ и достави барање на наредната седница на Собранието на дневен ред да биде ставена информација за безбедносната состојба во земјата.

Во врска со настаните со палење на македонското и албанското знаме досега се уапсени 18 лица, од кои четворица се во притвор, а за десетина има покренато прекршочни постапки.

Канадскиот премиер Марк Карни изјави дека трговските преговори со САД продолжуваат откако Канада го повлече својот план за воведување даноци врз американските технолошки компании.

Американскиот претседател Доналд Трамп претходно во петок, 27 јуни, објави дека ги прекинува трговските преговори со Канада поради нејзините планови за воведување царини на американските технолошки компании и го нарече потегот на Канада директен и флагрантен напад врз САД.

Канадската влада синоќа (29 јуни) објави дека, во очекување на трговски договор, Канада ќе го повлече својот данок на дигитални услуги што требаше да стапи на сила до денеска 30 јуни, објави АП.

Канадскиот премиер Карни и Трамп разговараа по телефон на 29 јуни, а канцеларијата на Карни соопшти дека се согласиле дека трговските разговори ќе продолжат.

„Денешното соопштение го поддржува продолжувањето на преговорите со целен датум од 21 јули 2025 година, поставен на самитот на Г7 овој месец во Кананаскис (Канада)“, се вели во соопштението на Карни.

Карни го посети Трамп во Белата куќа во мај.

Трамп беше во канадската држава Алберта на самитот на Г7, кога, според канадскиот премиер, таа земја и САД поставија рок од 30 дена за завршување на трговските преговори.

Во објава на социјалните мрежи во петокот, Трамп рече дека Канада го информирала дека останува посветена на воведување данок на дигитални услуги, кој се однесува на канадски и странски фирми кои работат со онлајн корисници во Канада.

Данокот за дигитални услуги требаше да ги погоди компаниите како Amazon, Google, Meta, Uber, Airbnb, со три проценти од приходите од канадските корисници. Требаше да се примени ретроактивно, а американските компании ќе мора да платат 2 милијарди американски долари на крајот од месецот.

Видете и ова:

Новиот канадски премиер Марк Карни вети победа во трговската војна со Трамп

Канадскиот министер за финансии Франсоа-Филип Шампањ разговараше со американскиот секретар за финансии Скот Бесант на 29 јуни.

„Ослободувањето од данокот на дигитални услуги ќе овозможи важен напредок во преговорите за нов економски и безбедносен однос со САД“, рече канадскиот министер за финансии.

Канада и САД разговараат за ублажување на серијата високи царини за разни стоки што Трамп им ги воведе на нивниот сосед.

Трамп воведе царини од 50 проценти за челик и алуминиум и 25 проценти за автомобили. Тој, исто така, воведе царина од 10 проценти за увоз од повеќето земји, а би можел да ги зголеми тие царини по 9 јули, кога ќе истече 90-дневниот преговарачки период што го одреди.

Канада и Мексико имаат посебни тарифи од дури 25 проценти што Трамп ги воведе за да го спречи шверцот со фентанил, иако некои производи сè уште се заштитени според Договорот меѓу САД и Мексико и Канада од 2020 година, потпишан за време на првиот мандат на Трамп.

Рускиот претседател Владимир Путин сака Украина да се предаде, изјави во понеделник (30 јуни) највисокиот германски дипломат, Jохан Вадефул кој е во посета на Киев по неколкунеделните засилени руски бомбардирања на земјата.

Во услови на застој во мировните преговори за ставање крај на повеќе од тригодишната војна, „Путин не отстапува од ниту едно од своите максималистички барања - тој не сака преговори, тој сака капитулација“, рече германскиот министер за надворешни работи Јохан Вадефул кога пристигна во ненајавена посета на украинскиот главен град.

„Русија „се обложува на слабеење на нашата поддршка“ и „сака освојување и покорност по секоја цена - дури и по цена на стотици илјади дополнителни животи. Слободата на Украина е најважната задача на нашата надворешна и безбедносна политика“, рече Вадефул во соопштение објавено од неговото министерство.

Видете и ова:

Живот, смрт и тортура под руска окупација во Украина

Портпаролот на Кремљ, Дмитриј Песков, синоќа изјави дека брзината на преговорите за завршување на војната во Украина зависи од позицијата на Киев, ефикасноста на американското посредништво и ситуацијата на теренот.

Пет месеци откако американскиот претседател Доналд Трамп дојде на власт, не се гледа крај на војната што Русија ја започна во февруари 2022 година.

Трамп, кој ги притиска двете страни да преговараат за прекин на огнот откако беше инаугуриран во јануари, во петокот изјави дека мисли дека „нешто ќе се случи“ за да се стави крај на војната.

„Зависи од тоа колку ќе биде ефикасно посредништвото на Вашингтон“, рече тој, додавајќи дека ситуацијата на терен е уште еден фактор што не може да се игнорира.

Песков не даде повеќе информации за тоа што Москва очекува од Вашингтон или Киев. Москва побара Украина да отстапи повеќе земја и да престане да се снабдува со оружје од Западот, што се барања што Киев ги нарекува неприфатливи.

Еврокомесарката за проширување Марта Кос денеска и утре (30 јуни и 1 јули) ќе престојува во посета на земјава. Таа ќе се сретне со премиерот Христијан Мицкоски, а ќе учествува и на лидерската средба ЕУ - Западен Балкан која во следните два дена ќе се одржува во Скопје, а на која ќе се разговара за Планот за раст.

За денеска попладне најавена е тет-а-тет средба на еврокомесарката Кос со премиерот Мицкоски по што ќе се одржи и билатерална средба со останатите делегации.

На лидерската средба најавено е присуство на лидерите од Западен Балкан, како и на министри, високи претставници од Европската Унија, регионални организации и меѓународни институции.

Утре во рамки на лидерската средба ќе се одржат два панела од кои првиот ќе биде посветен на Планот за раст на Западен Балкан и на него ќе се обратат премиерот Мицкоски и еврокомесарката за проширување, по што ќе следи заедничка прес-конференција.

Видете и ова:

Во април првата транша за Северна Македонија од Планот за раст

Вториот панел ќе биде посветен на конкретните механизми и поддршка за спроведување на Планот за раст.

Посетата на еврокомесарката за проширување на земјава минатата недела ја најави Европската комисија која соопшти дека Кос доаѓа во Скопје на средба со лидерите од Западен Балкан за Планот за раст и дека покрај премиерот Мицкоски, на средбата ќе присуствуваат и лидерите на Албанија, Босна и Херцеговина, Косово, Србија и Црна Гора.

Поради одржувањето на лидерската средба, овие два дена во Скопје ќе биде воведен посебен сообраќаен режим во поширокото централно градско подрачје. Од Министерството за внатрешни работи апелираат до учесниците во сообраќајот да ги почитуваат наредбите на полициските службеници.

Најмалку 30 лица беа уапсени во центарот на Истанбул додека се обидуваа да учествуваат во забранета Парада на гордоста.

Забраната за парадата на гордоста доаѓа како дел од долгогодишната репресија против ЛГБТ+ настаните во Турција.

Снимките од Ројтерс покажаа како полицијата се турка со група активисти кои носеа знамиња во боите на виножитото во центарот на Истанбул.

Кезбан Конукчу, пратеничка од прокурдската партија ДЕМ, која присуствуваше на маршот, за Ројтерс изјави дека најмалку 30 лица се приведени.

Парадата претходно беше забранета од канцеларијата на гувернерот на Истанбул, која ја прогласи за нелегална. Исто така, се вели дека групите што ја промовираат парадата на гордоста работеле „нелегално“.

Парадите на гордоста се забранети во најголемиот град во Турција од 2015 година, а властите се повикуваат на причини од јавна безбедност и сигурност.

Претседателот Реџеп Таип Ердоган и неговата партија усвоија сè поостра реторика против ЛГБТ+ заедницата во текот на последната деценија.

Во јануари, Ердоган ја прогласи оваа година за „Година на семејството“, опишувајќи го опаѓачкиот наталитет во Турција како егзистенцијална закана и обвинувајќи го ЛГБТК+ движењето за поткопување на традиционалните вредности.

„Примарна цел на родово неутралните политики, во кои ЛГБТК луѓето се користат како оружје, е семејството и светоста на семејната институција“, рече Ердоган во јануари.

Хјуман рајтс воч и Амнести интернешнл предупредија дека реториката и дејствијата на владата поттикнуваат непријателска средина за ЛГБТК+ луѓето, придонесувајќи за зголемување на дискриминацијата и насилството.

И покрај забраните, мали групи активисти продолжуваат да ја одбележуваат Неделата на гордоста секоја година. Организаторите велат дека сè поагресивниот полициски одговор одразува пошироко пресретнување на несогласувањето и слободата на собирање во Турција.

Освен во Турција, Парадата на гордоста неодамна беше забранета и во Унгарија. Сепак, ова не ги спречи десетици илјади луѓе да излезат на улиците на Будимпешта на 28 јуни, носејќи ЛГБТ+ знамиња и транспаренти, и покрај законот донесен во март оваа година со кој се забранува парадата. Покрај жителите на Будимпешта, на парадата учествуваа луѓе од 30 земји.

На вториот Конгрес на Движењето ЗНАМ - за наша Македонија, Максим Димитриевски денеска едногласно повторно ја доби довербата и е избран за претседател. Тој се заблагодари за изборот и нагласи дека има намера да создава нови лидери бидејќи движењето ЗНАМ работи и ќе работи, вели, со и за граѓаните, како нова политичка сила која во изминатиот период од 14 месеци се потврди и докажа.

Пред присутните претседателот на ЗНАМ вети дека никој, како што рече, нема да побегне од одговорност без разлика кој колку и да се обидува да се приближи до владеачката политичка елита. Меѓу другото, посочи дека „сите волци сега облечени во јагнешки кожи“ плаќаат портали, медиуми и многу други инфлуенсери да шират говор на омраза, лаги, невистини и јавни обвинувања против луѓе, од кои, подвлече, се плашат бидејќи вистината секогаш излегува на виделина.

Видете и ова:

ЗНАМ до средината на јули ќе ги објави кандидатите за градоначалници

Како претседател на партијата, истакна Димитриевски, има намера да го „смести“ ЗНАМ како респектиран политички субјект на македонската политичка сцена.

„ЗНАМ не е ниту ВМРО - ДПМНЕ, а уште помалку СДСМ и тоа што остана од него. Не е ниту една друга политича партија на македонската политичка сцена, туку е гласноговорник на народот“, истакна Димитриевски и додаде дека ЗНАМ е коректор на власта, но оваа власт, рече заслужува шанса затоа што граѓаните тоа го одлучија на избори.

Претседателот на ЗНАМ посочи дека во партијата има членови од сите етнички заедници, меѓу кои и „наши сограѓани кои се изјасниле како Бугари“.

„Јас го почитувам и, верувам сите вие бугарскиот народ, но не го почитувам тоа што доаѓа од официјална Софија, а најмалку тоа што е ставено во Резолуцијата на бугарскиот Парламент и потврдено пред неполн месец со втората резолуцаија. Не ги почтивам ставовите што ги изнесува претседателот Радев во јавноста, кој по природа на нештата треба да ни биде близок како што ни е претседателот на Србија. Сакаме да бидеме блиски со сите соседи“, порача Димитриевски.

Додаде дека ЗНАМ е за членство во ЕУ, но не по секоја цена.

„Нема да дозволиме да ја бришеме сопствената историја, да газеме по коските на сопствените предци бидејќи нивниот завет е впишан во нашата основна идеја во Крушевскиот манифест, во АСНОМСКАТА декларација“, рече во обраќањето на Конгресот претседателот на ЗНАМ.

Реизбраниот претседател на партијата Димитриевски со порака до сите од партијата дека функцијата поминува и да не заборават никогаш да работат по закон, посветено и чесно, за, како што подвлече, да ја искоренеме корупцијата до крај.

Тројца пациенти повредени во дискотеката во Кочани сè уште се надвор од државата, двајца се лекуваат во Турција и еден во Словенија, а втората група повредени на Пониква заминува од средина на јули, информираше денеска министерот за здравство, Азир Алиу.

Во моментов, информациите околку пациентите кои се лекуваат во странство се дека се во стабилна здравствена состојба. Во државата, беше посочено, во Клиничкиот центар на Пластична хирургија, има пациенти кои се таму заради длабочината на повредите, додека здравствено биле стабилни. Двајца пациенти се во приватната болница „Систина“. Редовно се следи состојбата на сите пациенти.

„Во Пониква во моментов е првата група, при крај, таму со нив се и пет физиотерапевти кои работат по програми, специјалист физијатар и општ хирург. Таму младите сакаат да продолжат и понатаму, имаме барања од некои од нив да продолжат и со втората група. Втората група ќе биде упатена најверојатно од втората половина на јули“, одговори Алиу.

Околу обвинувања на блиски на загинати во пожарот во Кочани, за несоодветен третман во болницата во Кочани и недостиг на соодветна опрема, веднаш по трагедијата, министерот рече дека истрагата од надлежните служби, би требало да даде одговор на многу прашања во врска со трагедијата.

Видете и ова:

Крстевски: Кочани будно ќе го следи судењето, не дозволуваме „тргување“ со жртвите

Откако бил министер, Алиу дека кочанската болница е меѓу топ приоритети и дека прават максимум во рамки на можностите за нејзино соодветно опремување. Дополни дека работна група континуирано работела на проблемот.

Српскиот претседател Александар Вучиќ ги обвини студентите во блокадата во неделата дека упатиле „директен повик на граѓански судири и напади врз полицијата“ до граѓаните на крајот од протестот во Славија на 28 јуни.

На заедничка конференција со министерот за внатрешни работи Ивица Дачиќ, тој побара од надлежните обвинителства да „ја работат својата работа“ и „да не се однесуваат несоодветно и наивно“.

Тој им честиташе на полицајците „за нивното професионално однесување и нивната желба да ги победат напаѓачите со минимална употреба на сила“.

„Секако, ќе има уште многу апсења за напади врз полицијата. Ова не е крај. Се идентификуваат и други лица. Агенцијата за безбедност и информации исто така работи на ова“, рече Вучиќ.

Видете и ова:

Инциденти и апсења по големиот студентски протест во Белград

Вишото јавно обвинителство во Белград во неделата објави дека 29 лица се приведени до 48 часа поради насилство на улиците на главниот град и напади врз полицијата по протестот на плоштадот Славија на 28 јуни.

Според соопштението, тие се приведени поради постоење основи на сомнение дека сториле кривични дела Насилно однесување на спортски настан или јавен собир и Напад врз службено лице при вршење на службена должност.

Исто така, по наредба на Првото основно јавно обвинителство во Белград, четири лица се приведени до 48 часа.

„Три лица се приведени поради постоење основи на сомнение дека вчера пред почетокот на јавниот собир нападнале полицајци, додека едно лице во алкохолизирана состојба сакало да скокне преку оградата и да нападне ученици во Пионирски парк“, соопшти Вишото јавно обвинителство.

За време на полициската интервенција по студентскиот протест на плоштадот Славија на 28 јуни, 77 лица беа приведени, а 48 полицајци беа повредени, изјави српскиот министер за внатрешни работи Ивица Дачиќ во недела, 29 јуни.

Дачиќ рече дека првите судири меѓу некои демонстранти и полицијата започнале во 21:42 часот на аголот од улиците Кнежа Милоша и Крунска.

„За време на полициската интервенција, повредени се 48 полицајци - 38 припадници на жандармеријата, двајца припадници на бригадата, седум полицајци од полициските интервентни единици и еден полицаец назначен за оперативно обезбедување“, рече Дачиќ.

Според него, еден полицаец претрпел сериозни повреди на главата.

77 лица биле однесени во полициски станици од митингот, а 38 биле приведени, рече Дачиќ.

„Против 35 лица ќе бидат поднесени кривични пријави, а против 6 лица ќе биде поднесено барање за поведување прекршочна постапка“, рече Дачиќ.

Според официјалните податоци, 22 лица се јавиле во медицински установи, од кои две со сериозни повреди.

„Едно лице е приведено, на другото му е дијагностицирана фрактура на левиот зглоб и е пуштен на домашно лекување“, рече Дачиќ.

Видете и ова:

Премиерот на Србија ги осуди насилните демонстрации на белградските улици

Некои од демонстрантите и полицијата се судрија во центарот на Белград по официјалното завршување на студентскиот протест на плоштадот Славија на 28 јуни.

Полицијата објави во саботата навечер дека најмалку шест нивни полицајци и двајца граѓани се повредени во немирите.

Протестот „Се гледаме на Видовден“, според прелиминарната проценка на Архивата на јавни собири, собра 140.000 луѓе, додека Министерството за внатрешни работи излезе со проценка од 36.000.

Студентите бараат распишување предвремени парламентарни избори и отстранување на камп од центарот на градот, кој го поставија студенти кои се спротивставуваат на блокадите на факултетите организирани од студентите во знак на протест против смртта на 16 лица при уривањето на настрешница во Нови Сад во ноември 2024 година.

Во исто време, во тој камп се одржа протест од страна на поддржувачи на српскиот претседател Александар Вучиќ и луѓе кои се спротивставуваат на студентските блокади на факултетите.

Српскиот премиер Ѓуро Мацут „остро го осуди насилството и нападите врз полицијата што се случија на улиците на Белград од страна на хулиганите по митингот на плоштадот Славија“, објави Владата рано наутро во недела.

„Србија е демократско општество во кое мислењата можат и мора да се изразуваат на мирен и цивилизиран начин, без да се загрози безбедноста на граѓаните и да се наруши јавниот ред и мир, нагласи премиерот“, рече Мацут.

Мацут им се заблагодари на припадниците на Министерството за внатрешни работи и на сите безбедносни служби кои реагираа брзо и професионално, спречија поголеми инциденти и ги заштитија граѓаните и нивниот имот.

Премиерот ги повика „сите актери да ги смират тензиите и да се однесуваат одговорно“.

„Само преку дијалог, почитување и почитување на законот можеме да најдеме решенија за сите предизвици“, нагласи Мацут.

Некои од демонстрантите и полицијата се судрија во центарот на Белград по официјалното завршување на студентскиот протест на плоштадот Славија на 28 јуни.

Видете и ова:

Инциденти и апсења по големиот студентски протест во Белград

Полицијата објави во саботата навечер дека најмалку шест од нивните полицајци и двајца граѓани се повредени во немирите.

За време на полициската интервенција, вработени во неколку медиуми беа нападнати и повредени.

Студентскиот протест „Се гледаме на Видовден“ собра, според прелиминарна проценка на Архивата на јавни собири, 140.000 луѓе, додека Министерството за внатрешни работи излезе со проценка од 36.000.

Студентите бараат распишување предвремени парламентарни избори и отстранување на камп од центарот на градот, кој го поставија студенти кои се спротивставуваат на блокадите на факултетите организирани од студентите во знак на протест против смртта на 16 лица при уривањето на настрешница во Нови Сад во ноември 2024 година.

Во исто време, во тој камп се одржа протест од страна на поддржувачи на српскиот претседател Александар Вучиќ и луѓе кои се спротивставуваат на студентските блокади на факултетите.

Франција го забранува пушењето на плажи, паркови, јавни плоштади и автобуски станици од недела, соопшти владата.

Уредбата, објавена во Службениот весник во сабота, ќе го забрани и пушењето надвор од библиотеките, училиштата и базените, а има за цел да ги заштити децата од пасивното пушење.

Уредбата не ги споменува електронските цигари, а оние што ќе ја прекршат забраната се соочуваат со казна од 135 евра.

„Тутунот мора да исчезне од местата каде што има деца“, изјави министерката за здравство и семејство, Катрин Вотрен, во мај, наведувајќи го „правото на децата да дишат чист воздух“.

Баровите и кафулињата се ослободени од забраната.

Според француските власти, 75.000 луѓе умираат секоја година во земјата од компликации поврзани со тутунот.

Според неодамнешна анкета, шест од 10 Французи, односно околу 62 насто ја поддржуваат забраната за пушење на јавни места.

Родителите на загинатите во пожарот во клубот „Пулс“ на денешниот „Марш за ангелите“ во Кочани побараа институциите да побрзаат со постапките против осомничените за трагедијата. Порачаа дека нивните деца заслужуваат правда и не сакаат ова да биде уште една трагедија што ќе остане заглавена во административните архиви.

Колоната на единаесеттиот протестен марш, што почна во 18 часот и 5 минути, ја мина вообичаената маршрута од Паркот на Револуцијата, низ Трговскиот центар, кон зградата на Општина Кочани. Со свирежи и гласни извици пред Полициската станица и пред Основниот суд и Јавното обвинителство во Кочани, родителите го искажаа незадоволството од текот на постапката.

„Одговорните во институциите да ја сфатат нашата неизмерна загуба со која живееме секој ден и да постапат побрзо. Сите докази веќе им се во рацете, снимките, нашите сведоштва, сѐ што видовме со свои очи таа кобна вечер. Зошто сѐ уште нема одговорност, до кога ќе чекаме одговор од ОЈО ГОК? Тие имаат толку многу докази од сведоци, од нас директно како сведоци и од камерите за видеонадзор. Тоа се докази кои водат до одговорност на Министерството за внатрешни работи и на институциите кои требаше да се грижат за јавниот ред и мир и за безбедноста“, истакнаа родителите на собирот пред Јавното обвинителство.

Родителите побараа одговорност од полицијата и од обезбедувањето во „Пулс“ за кои, како што рекоа, не реагирале навреме, но и одговорност поради, според нив, за недоволната подготвеност на противпожарните екипи и несоодветната опременост и недоволниот персонал во болницата во Кочани.

Како одговор на обвинувањата на социјалните мрежи родителите рекоа дека нивните реакции не се под влијание на ниту една политичка партија, со забелешка дека никој од лидерите на партиите од власта и од опозицијата досега не дошол за да им изрази сочувство.

Родителите на починатите ги отфрлија и обвинувањата дека тие се одговорни за трагедијата со тоа што им дозволиле на децата да одат во „Пулс“.