Свесни сме дека патот до правда ќе биде долг и тежок, исполнет со отпор и искривени намери. Но, ако ја пронајдеме заедничката точка на сплотување и ако застанеме еден до друг, системот нема да има друг избор освен да постапи онака како што бара народот, порачуваат организаторите.
Ова беше само дел од обраќањата на денешниот „Марш за ангелите“ во Скопје, пред почетокот на првото рочиште за предметот Пулс, за трагичниот пожар во дискотеката Пулс во Кочани.
Во трагедијата починаа 62 лица, а во обвинителскиот акт се товарат 34 лица. Судскиот процес ќе го водат 15 обвинители.
