Транспаренси Интернешанл Македонија соопшти дека вториот квартален извештај е изготвен во периодот од април до јуни во рамки на нивниот проект „Проценка на ранливоста од корупција во државните институции и локални власти за просторно планирање, урбанизам и градежништво“. Истражувањето покажа дека интересот на институциите за исполнување на препораките е сѐ уште на ниско ниво, но дека постои зголемена активност на локалната и извршната власт со цел да се имплементираат препораките. Транспаренси Интернешанл Македонија посочува дека големите дискрециони овластувања на локалната власт, недостигот на добро формулирани законски одредби, судир на законските одредби како и различното толкување на законските норми од една страна, но и честото менување на законите од друга страна создава ризик од зголемување на корупцијата.

Напредок од 24 места на Индексот за перцепција на корупцијата

Затоа е потребна зајакната соработка и координираност помеѓу Министерството за транспорт и врски, локалната власт, Заедницата на единиците на локалната самоуправа и Државната комисија за спречување на корупција за надминување на ризиците од корупција и усогласено изнаоѓање на решенија за спроведување на препораките. Транспаренси Интернешанл Македонија останува отворена за поддршка и соработка со институциите во насока на надминување на ризиците од корупција во овие области, стои во соопштението.

Пожарот што попладнево избувна на отворен простор во близина на римскиот аквадукт во Скопје е ставен под целосна контрола, соопшти Дирекцијата за заштита и спасување (ДЗС).

Огнот зафатил трева, грмушки и поголема количина расфрлан отпад.

Директорот на ДЗС, Стојанче Ангелов, изјави дека се очекува пожарот во краток рок да биде целосно изгаснат.

Видете и ова:

Пожар над Батинци, Ангелов: Имаме целосна контрола, постојат сомнежи за подметнување

Тој информира дека екипите на Територијалната противпожарна бригада на Град Скопје веднаш излегле на терен, но биле попречувани при гаснењето од лица од една етничка заедница што живее на и околу опожареното место.

Поради тоа, била побарана полициска интервенција за непречено одвивање на акцијата.

Студентите што го блокираа Универзитетот во Белград во денеска прашаа по чија наредба полицискиот кордон опколи група граѓани кои дојдоа да присуствуваат на воена парада на покана на студентите.

„И покрај искрената желба на граѓаните да ја поддржат својата армија на покана на студентите, тие беа спречени да влезат на јавниот настан“, напишаа тие на социјалната мрежа Инстаграм.

Тие оценија дека воената парада под слоганот „Моќта на единството“ покажа „сè освен тоа“.

„Зошто, токму на денот кога го славиме единството и силата на народот, група граѓани кои мирно и со почит сакаа да присуствуваат на овој настан не беа добредојдени, и кој ја испрат жандармеријата против нас“, прашаа студентите во блокадата.

Видете и ова:

Воена парада во Белград, истовремено мирен собир за поддршка на армијата

За време на воената парада во Белград на 20 септември, припадниците на жандармеријата ги турнаа назад граѓаните кои дојдоа на покана на студентите и не им дозволија да присуствуваат на настанот.

Група граѓани и студенти протестираа против политизацијата на армијата, но немаше инциденти.

Во својот повик за собирот, „Студентите во блокада“ наведоа дека „сегашната влада активно го нарушува интегритетот, угледот, независноста и аполитичната природа на нашата армија во последните 13 години“.

Воената парада се одржа во време на масовни антивладини протести во Србија, кои беа предизвикани пред десет месеци од смртта на 16 лица при уривањето на настрешницата на железничката станица во Нови Сад.

Велика Британија, Австралија и Канада во неделата ја признаа палестинската држава, што е голем пресврт во децениската западна надворешна политика што брзо го предизвика гневот на Израел.

Португалија, исто така, треба да ја признае палестинската државност во недела, бидејќи Израел се соочува со зголемен меѓународен притисок поради војната во Појасот Газа, која беше предизвикана од нападот на 7 октомври 2023 година од страна на палестинската група Хамас - која САД и ЕУ ја сметаат за терористичка организација.

„Денес, за да ја оживее надежта за мир за Палестинците и Израелците и решение за две држави, Обединетото Кралство формално ја признава државата Палестина“, изјави британскиот премиер Кир Стармер (Кир) на мрежата X.

Велика Британија и Канада станаа првите земји од Г7 што го направија овој чекор, а се очекува Франција и другите да го следат примерот на годишното Генерално собрание на ОН, кое започнува во понеделник во Њујорк.

„Канада ја признава Државата Палестина и нуди наше партнерство во градењето на ветувањето за мирна иднина и за Државата Палестина и за Државата Израел“, напиша канадскиот премиер Марк Карни на X.

Видете и ова:

Израелската армија соопшти дека ќе употреби „невидена сила“ во градот Газа

Ова е пресвртница за Палестинците и нивните децениски амбиции за државност, за кои најмоќните западни земји долго време тврдеа дека треба да дојдат само како дел од договорен мировен договор со Израел.

Исто така, ги става тие земји во конфликт со САД и Израел. Израелскиот премиер Бенјамин Нетанјаху реагираше луто, најавувајќи дека ќе се спротивстави на тоа на разговорите во ОН.

Повиците за палестинска држава „би го загрозиле нашето постоење и би послужиле како апсурдна награда за тероризмот“, рече Нетанјаху во неделата.

Сè поголем број долгогодишни сојузници на Израел го менуваат својот став додека земјата ја интензивира својата офанзива во Појасот Газа, ветувајќи дека ќе го елиминира Хамас.

Појасот Газа претрпе огромно уништување, со голем број жртви и недостиг на храна, предизвикувајќи голема хуманитарна криза од почетокот на конфликтот.

Во тек е креирањето на нови мерки со кои Владата ќе се обиде да им излезе во пресрет на граѓаните поради високите цени на прехранбените производи во маркетите.

Ова денеска го изјави премиерот Христијан Мицкоски, нагласувајќи дека институциите веќе делуваат на терен.

„Мерките се во тек, а тоа што не правиме естрада од политиките што ги водиме не значи дека не се грижиме. Секојдневно Државниот пазарен инспекторат и Комисијата за заштита од конкуренција се на терен, дури има одредени постапки што се почнати и покренати,“ рече Мицкоски.

Тој одговараше на новинарски прашања по поставувањето камен-темелник на Дом за стари лица во Зрновци.

Видете и ова:

Заштеда од 800 до 2.000 денари по ученик со „Училишната кошница“, очекува Ристески

Тој потсети дека пред почетокот на учебната година беше воведена т.н. „училишна кошничка“ со која се намалија цените на голем дел од производите што ги користат учениците.

Мерката позната како „Училишна кошница“ беше воведена на 15 август годинава и траеше до 15 септември. Таа се однесуваше на одлука за посебни услови за трговијата со одредени производи, при што сите трговци на мало и големо кои продаваат училиштен прибор беа опфатени со обврска да понудат намалени цени.

Според Министерството за економија и труд, мерката имаше цел да им помогне на семејствата пред почетокот на учебната година, со тоа што се намалија цените на дел од основните производи за учениците. Според проценките, со нејзината примена домаќинствата заштедија од 800 до 2.000 денари по ученик.

Украинските спасувачи беа погодени од двоен руски напад, соопштија официјални лица, при што двајца спасувачи беа ранети во северниот регион Черниговски.

Ноќниот напад на 21 септември беше втор за седум дена во кој руските сили ги таргетираа пожарникарите како одговор на претходен напад со ракети или беспилотни летала, изјави Владислав Чаус, регионалниот воен администратор.

Русија лансираше повеќе од 60 беспилотни летала низ Украина за време на ноќта, изјавија воени претставници, што е меѓу најмалите напади во последните недели.

Во меѓувреме, украинскиот претседател Володимир Зеленски ги повика САД да преземат „силни“ мерки против Русија поради зголемените тензии меѓу источните сојузници на НАТО.

Зеленски, исто така, ја повтори својата подготвеност да се сретне со рускиот претседател Владимир Путин, кој одби да се сретне на неутрална територија.

Видете и ова:

Зеленски бара „силни“ мерки од САД против Русија

Трамп, кој претходно изрази восхит кон Путин, покажа растечко фрустрирање од одбивањето на лидерот на Кремљ да прифати прекин на огнот и директни разговори со Зеленски.

„Тој навистина ме разочара“, рече Трамп за време на посетата на Лондон на 18 септември.

Вашингтон и европските сојузници веќе воведоа финансиски мерки врз Москва по нејзината инвазија врз Украина во февруари 2022 година, со цел ослабување на руската економија, но Киев и неговите сојузници бараат повеќе.

Нападите во текот на ноќта се случија кратко откако земјите од НАТО изразија негодување поради упадот на Русија во естонскиот воздушен простор, како и неодамнешните упади со беспилотни летала во Полска и Романија.

НАТО мора енергично да одговори на руските прекршувања, вклучително и со соборување на руски авиони, рече чешкиот претседател Петр Павел.

Видете и ова:

Авиони на НАТО итно полетаа по масовен руски напад врз Украина

На 18 септември, Естонија објави дека три руски воени авиони влегле во нејзиниот воздушен простор и се задржале 12 минути, што ги натера другите членки на НАТО да испратат свои авиони. Кремљ го негираше инцидентот, велејќи дека авионите биле над меѓународни води.

Естонија соопшти дека побарала консултации според Член 4 на НАТО.

Во меѓувреме, Украина спроведе кампања со беспилотни летала што траеше неколку недели, насочеАна кон руската нафтена инфраструктура, што доведе до скок на цените на бензинот низ целата земја.

Руската војска соопшти дека најмалку 65 украински дронови биле лансирани кон цели во Русија во текот на ноќта помеѓу 20 и 21 септември.

Триесет лица беа уапсени, а полицијата употреби солзавец и водени топови за да ги растера антиимиграциските протести во Хаг на 20 септември.

Околу 1.500 лица блокираа автопат, полициско возило беше запалено, а двајца полицајци беа повредени во судирите со демонстрантите.

Илјадници се придружија на протестот организиран од десничарски активист, барајќи построги миграциски политики и репресија врз барателите на азил. Земјата треба да одржи избори за нешто повеќе од еден месец.

Видете и ова:

„Ми го промени животот“: 10 години по бегалската криза во Европа

Локалните медиуми објавија дека демонстрантите, исто така, скршиле неколку прозорци во седиштето на централно-левичарската партија Д66, која многумина од крајната десница ја сметаат за служба на прогресивната елита.

„Ако мислите дека можете да нè заплашите, немате среќа. Никогаш нема да дозволиме екстремистичките бандити да ни ја одземат нашата прекрасна земја“, напиша лидерот на Д66, Роб Јетен, на Платформа X.

Антиимиграцискиот популист Герт Вилдерс, кој победи на претходните холандски избори и моментално води во анкетите за јавното мислење пред изборите на 29 октомври, беше поканет да зборува на протестот, но не присуствуваше. На платформата X, тој го осуди насилството, велејќи дека употребата на сила против полицијата е „целосно неприфатлива“.

Холандската влада се распадна во јуни откако Вилдерс ја повлече својата крајно десничарска партија ПВВ од владејачката коалиција поради спор околу миграцијата.

Спорот настана откако Вилдерс побара десет дополнителни мерки за азил, вклучувајќи замрзнување на апликациите, запирање на изградбата на прифатни центри и ограничувања за повторно обединување на семејствата. Владејачката коалиција беше на власт помалку од една година.

Американскиот претседател Доналд Трамп се закани дека „ќе се случат лоши работи“ ако Авганистан не ја врати воздухопловната база Баграм на САД, што Талибанците претходно одбиваа да го сторат.

„Ако Авганистан не ја врати воздухопловната база Баграм на луѓето што ја изградија, на Соединетите Американски Држави, ќе се случат лоши работи“, рече Трамп во објава на платформата Truth Social на 20 септември.

На прашањето на новинарите во Белата куќа дали би размислил за испраќање војници за повторно преземање на базата, Трамп рече: „Нема да зборуваме за тоа“.

„Сега разговараме со Авганистан и го сакаме назад, го сакаме назад наскоро, веднаш. И ако не го сторат тоа, ќе дознаете што ќе правам“, им рече Трамп на новинарите.

Коментарите доаѓаат откако американскиот претседател изјави на 18 септември дека се обидуваат да ја вратат воздухопловната база Баграм од Талибанците во Авганистан, наведувајќи ја потребата на екстремистичката група за американска помош и близината на базата до кинеските нуклеарни постројки.

„Се обидуваме да го вратиме затоа што [на Талибанците] им требаат работи од нас“, рече Трамп за време на заедничката прес-конференција со британскиот премиер Кир Стармер во Лондон.

„Но, една од причините зошто ја сакаме таа база е, како што знаете, дека е на еден час од местото каде што Кина произведува нуклеарно оружје. Значи, се случуваат многу работи“, додаде Трамп.

Видете и ова:

Зошто Трамп сака да ја врати воената база Баграм во Авганистан под контрола на САД?

Талибанците, погодени од природни катастрофи, немири, сиромаштија и терористички напади, се обидуваат да ги подобрат односите со глобалната заедница, иако Русија е единствената земја што досега воспостави дипломатски односи со нив.

Западните земји рекоа дека земјата прво мора да го подобри својот статус во однос на човековите права, особено кога станува збор за третманот на жените и девојчињата.

„Волстрит џурнал“ објави на 19 септември, повикувајќи се на извори запознаени со ситуацијата, дека американските претставници разговарале со Талибанците.

Во извештајот се вели дека американските претставници и Талибанците разговарале за тоа да ѝ дозволат на американската војска да го користи Баграм како „лансирна рампа“ за мисии против тероризмот.

Експертите велат дека дури и ако лидерите на Талибанците дозволат присуство на САД во Баграм, базата ќе треба да се брани од заканите од Ал Каеда и терористичката група Исламска држава, кои сè уште се активни во Авганистан.

Баграм, кој се наоѓа на околу 25 милји северно од Кабул, првично бил изграден од Советскиот Сојуз во 1950-тите, но бил значително надграден и проширен од американската војска. Тоа беше најголемата американска база во Авганистан и служеше како централна команда за време на дведецениската окупација на земјата.

Видете и ова:

Трамп вели дека САД се обидуваат да ја „вратат“ базата Баграм во Авганистан

Базата беше предадена на претходната авганистанска влада во јули 2021 година, само неколку недели пред хаотичното повлекување на американските трупи и конечното враќање на Талибанците на власт.

Откако Талибанците ја презедоа власта во земјата, Вашингтон одржува минимален јавен ангажман со Авганистан, ограничувајќи го на преговори за заложници. Авганистан е во голема мера изолиран на глобалната сцена, а економијата на земјата се бори да привлече странска поддршка и приватни инвестиции.

Талибанските претставници го отфрлија предлогот на Трамп дека САД би можеле да ја вратат контролата врз Баграм, но ја оставија отворена можноста за разговори за подобрување на односите.

„Без американското воено присуство во Авганистан, и Авганистан и САД треба да соработуваат едни со други и можат да имаат политички и економски односи засновани на меѓусебно почитување и заеднички интереси“, изјави на социјалните мрежи Закир Џалали, функционер на Министерството за надворешни работи на Талибанците.

Претседателката Гордана Сиљановска-Давкова денеска заминува во работна посета на Соединетите Американски Држави, каде што ќе учествува на 80. Сесија на Генералното собрание на Обединетите Нации во Њујорк.

Сиљановска-Давкова ќе се обрати на генералната дебата и ќе учествува на повеќе самити, лидерски форуми и состаноци на високо ниво што се одржуваат во рамки на Генералното собрание.

Видете и ова:

АНБ и АР ги проверуваат наводите за хибридни напади, Сиљановска-Давкова очекува идентификување и санкционирање на сторителите

Предвидена е и средба со генералниот секретар на ОН, Антонио Гутереш, како и билатерални средби со светски лидери.

Годинашната сесија се одржува под мотото: „Подобро заедно: 80 години и повеќе за мир, развој и човекови права“.

За време на посетата на САД, претседателката ќе го посети и градот Детроит.

Украинскиот претседател Володимир Зеленски го повика Вашингтон да воведе „силни“ мерки против Русија откако Европската Унија се приближи кон заострување на санкциите врз Кремљ и поради зголемените тензии на небото над источното крило на НАТО.

Зеленски, исто така, на 20 септември изјави дека очекува да се сретне со претседателот Доналд Трамп на маргините на Генералното собрание на ОН следната недела. Средбата сè уште не е потврдена во Вашингтон.

„Оваа недела нè доближи до финализирање на деветнаесеттиот пакет санкции [на ЕУ] против руската агресија; очекуваме наскоро одобрување. Енергетските ресурси на Русија се ограничуваат“, рече Зеленски.

„Благодарен сум што голем број предлози од Украина се земени предвид во пакетот санкции на ЕУ. Сега очекуваме и силни санкции од Соединетите Американски Држави - Европа го прави својот дел.“

„Очекуваме санкции [на САД] ако нема состанок меѓу лидерите или, на пример, прекин на огнот“, додаде Зеленски.

Видете и ова:

Авиони на НАТО итно полетаа по масовен руски напад врз Украина

Зеленски, исто така, ја повтори својата подготвеност да се сретне со рускиот претседател Владимир Путин. Путин отфрли состанок на неутрален терен.

„Подготвени сме да се сретнеме со Путин. Разговарав за тоа. И билатерално и трилатерално. [Путин] не е подготвен“, додаде Зеленски, осврнувајќи се на можна тројна средба на која би учествувал и Трамп.

Трамп, кој претходно изрази восхит кон Путин, покажа зголемена фрустрација од одбивањето на лидерот на Кремљ да прифати прекин на огнот и неговото одбивање да одржи директни разговори со Зеленски.

Претседателот на САД, исто така, рече дека е „многу разочаран“ од Путин по неодамнешната серија засилени напади врз украинските градови. Ова го наведе да предложи нови санкции или царини против Русија, иако досега не се преземени никакви чекори.

Вашингтон и неговите европски сојузници веќе воведоа финансиски мерки врз Москва по нејзината инвазија на Украина во февруари 2022 година, со цел ослабување на руската економија, но Киев и неговите сојузници бараат дополнителни мерки.

Најновите коментари на украинскиот претседател доаѓаат во услови на зголемена дипломатска и воена активност, како во Украина и Русија, така и на небото над земјите од НАТО што граничат со двете завојувани страни.

Видете и ова:

Естонија објави дека руски авиони влегле во нејзиниот воздушен простор

Полските и другите авиони на НАТО полетаа на 20 септември откако Русија започна уште еден масовен напад со беспилотни летала и ракети врз Украина.

Операцијата, која траеше околу 90 минути, го нагласи зголеменото ниво на готовност во земјите на НАТО по руските упади.

Новата серија ноќни напади се случи кратко откако земјите на НАТО изразија негодување поради руското упаѓање во естонскиот воздушен простор еден ден претходно, како и неодамнешните руски упади со беспилотни летала во Полска и Романија.

Чешкиот претседател Петр Павел на 20 септември изјави дека НАТО мора енергично да одговори на руските прекршувања, вклучително и можноста за соборување на руски авиони, според Чешката новинска агенција.

„Русија многу брзо ќе сфати дека направила грешка и ги преминала прифатливите граници. За жал, ова е на работ на конфликт, но попуштањето пред злото едноставно не е опција“, рече Павел.

По упаѓањето на руските авиони МиГ-31 во естонскиот воздушен простор, што Кремљ го негира, Естонија соопшти дека побарала консултации според Член 4 на НАТО, што ја поттикна воената алијанса да свика состанок на Северноатлантскиот совет следната недела.

Попладнево избувна силен пожар над селото Батинци, општина Студеничани, кој предизвика паника кај локалното население поради сомнежи дека повторно гори депонијата „Дрисла“.

Директорот на Дирекцијата за заштита и спасување (ДЗС), Стојанче Ангелов, од терен изјави дека пожарот е ставен под целосна контрола.

„Имаме целосна контрола врз пожарот над селото Батинци. Се работи за силен пожар за кој има индиции дека е намерно подметнат, бидејќи одеднаш се разви поголема линија во долот,“ рече Ангелов.

Видете и ова:

Судот во Стразбур последна шанса за заштита на граѓаните од загадување

Пожарот избувнал околу 13 часот, а поради силниот ветер брзо се проширил. Скопската противпожарна бригада интервенирала со неколку возила, а во акцијата биле вклучени и два пинцгауери на ДЗС, управувани од полицајци од ЕБР.

„Бидејќи пожарот се движеше кон Батинци и постоеше опасност да биде зафатено и самото село, по барање на директорот на ЦУК, Муахмед Али, испративме и еден хеликоптер на МВР, како и два ер трактори на Дирекцијата. Тие помогнаа брзо да воспоставиме контрола. Сè уште има горење во долот, но продолжуваат со дејство ер тракторите и хеликоптерот. Верувам дека набргу ќе биде ставен под апсолутна контрола, а потоа и целосно изгаснат,“ изјави Ангелов.

Тој додаде дека истрагата треба да утврди кој стои зад, како што рече, „намерното подметнување на пожарот“.