Наспроти позадината на уништениот град и со звуците на гранатирање на челичарницата Азовстал што ја тресе земјата, Русија го прослави Денот на победата во „ослободениот“ украински град Мариупол на 9 мај. Имаше еден проблем: многу малку од преостанатите жители на градот разурнат од војна ја искористи бесплатната храна и музиката во живо што требаше да биде добредојден одмор од урнатините што ги опкружуваат.
Пред војната, во градот живееле околу 400.000 луѓе. Се верува дека илјадници цивили загинале во рускиот напад, а десетици илјади остануваат заробени, вклучително и најмалку 100 кои сè уште се засолнети во челичарницата Азовстал.
Советникот на градоначалникот на Мариупол, Петро Андриушченко, ја опиша атмосферата на неговиот канал Телеграм: „Не беше особено забележлива возбуда или радост на улицата. Луѓето се намамени на плоштадот поради ветувањата за дополнителни залихи на храна“.
Тој додаде: „Путлерјугендите (референца за Путин и младината на Хитлер, или „Хитлер Југенд“) се на место. Окупаторите се на место. Соработниците се на место. Единствените кои се не се присутни жителите на Мариупол. Нешто тргна наопаку со празникот. Затоа што Мариупол е Украина, а не Московија“.
Како Русија го прослави Денот на победата во окупираниот Мариупол
5
Забранета од Украина во 2017 година, 300 метри долга панделка на Свети Ѓорѓи беше носена низ Мариупол од волонтери на 9 мај. Се верува дека многу од учесниците дошле од регионот под контрола на сепаратистите за да ја покажат својата поддршка. Лентата на Свети Ѓорѓија стана поврзана со сепаратистите поддржани од Кремљ, а исто така беше забранета во Летонија, Литванија, Молдавија и Естонија.
6
Сепаратистички борци чуваат стража.
7
Со бели балони, една постара жена ја гледа прославата во Мариупол. Помошникот на градоначалникот Петро Андриушченко на својот канал Телеграм напиша дека постарите луѓе биле принудувани да учествуваат.
8
Мала толпа гледа како изведувачи приредуваат шоу.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
