М-НАВ АД Скопје соопшти дека радарот на Меѓународниот аеродром Скопје повторно е ставен во функција по тридневна работа на отстранување на дефектот на радарската глава Бањски рид.
Според соопштението, дефектот бил успешно отстранет на 24 септември во 16:40 часот, а радарската глава до денеска, 25 септември до 12 часот, подлежела на неопходни тестирања пред да биде вклучена во системот за контрола на воздушниот сообраќај.
Видете и ова: Тасевски: Немаме ниту еден функционален радар на скопскиот аеродромМ-НАВ потврдува дека за време на нефункционалноста на радарот, безбедноста на воздушниот сообраќај не била загрозена. Единствено бил намален протокот на аеродромот за да се почитуваат меѓународните стандарди.
Во соопштението, М-НАВ се оградува од неточните информации што беа споделени во јавноста, кои според нив биле користени за политички цели и создавање погрешна слика за работењето на друштвото.
Компанијата се заблагодарува на поддршката од Владата, особено од вицепремиерот и министер за транспорт Александар Николоски.