Државната изборна комисија (ДИК) денеска на јавна седница преку ждрепка го утврди редоследот на кандидатите на единствената листа за локалните избори во три дела - за парламентарни политички партии и коалиции, од 1 до 9, за партии и коалиции кои не се дел од парламентарниот состав од 10 до 33 и за група избирачки од 34 до 153. Влечењето се одвиваше по азбучен редослед.
Претставници од парламентарните политички партии, коалиции учествуваа на жрепката по азбучен редослед.
Прва на гласачкото ливче од партиите и коалициите ќе биде Искуство за успех, под број два Движење ЗНАМ, За наша Македонија, трета Демократска Партија на Србите во Македонија ДПСМ, четврта Национална алијанса за интеграција- НАИ-ДУИ, петта е Коалиција за локални избори 2025-СДСМ, шеста Левица, седма Коалиција ВЛЕН, осма Коалиција -За зелена иднина, а девета е Коалиција-Твоја Македонија-ВМРО ДПМНЕ.
Кандидатите предложени од коалицијата предводена од една иста политичка партија без разлика на бројот на политичките партии во коалицијата во различни општини ќе имаат ист реден број во сите општини.
Општинските изборни комисии на седница претходно ги потврдиле листите на кандидати кои ќе учествуваат на изборите, совети, членови на членови на совет на општина и членови на совет на град Скопје градоначалник на општини градоначалник на град Скопје.
Видете и ова: ДИК: Потврдени 303 листи за градоначалник на општините и на Град СкопјеНа седницата беа извлечени жрепки од 10 до 33 за подносители на листи на политички партии кои не се дел од парламентарниот состав.
Демократската Партија на Ромите го доби бројот 10, Сојузот на Роми ја доби позицијата број 11, следена од Единствена Македонија на 12-то место.
Партија на пензионери се најде на 13-та позиција, додека Демократската партија на Турците во Македонија ДПТМ го зафати 14-тото место. Партијата за движење на Турците во Macedонија се постави на 15-та позиција, а Српската странка во Македонија на 16-тата.
Унија на Роми заврши на 17-та позиција, Бошњачки Демократски Сојуз на 18-та, а Демократскиот Сојуз на 19-та. Работничката партија го зафати дваесеттото место, ВМРО Народната Партија-ВМРО НП се најде на 21-ва позиција, додека Македонскиот концепт на 22-та.
Движењето за национално единство на Турците ДНЕТ се позиционираше на 23-то место, следено од Демократските Сили на Ромите на 24-та позиција. Граѓанската иницијатива ГРИН заврши на 25-то место, додека Партијата за обединети демократи на Македонија ПОДЕМ се најде на 26-та позиција.
ТВОЈА партија го зафати 27-мото место, МААК се постави на 28-ма позиција, а Демократи Скопје на 29-та.
Родина Македонија се најде на 30-та позиција, Десница на 31-ва, додека Македонската Ера трета/Македонски независни листи/суверенисти заврши на 32-ра позиција. Последно, на 33-та позиција се најде Трајното македонско радикално обединување.
Во третиот дел беше влечењето жрепка за подносители на листа група избирачи за кандидати за градоначалници и кандидати за носители на листа за членови на совет од 34 до 153.
Изборната кампања за локалните избори официјално започнува на 29 септември и ќе трае до 17 октомври. Првиот круг од гласањето за градоначалници и членови на советите во 80 општини и Градот Скопје ќе се одржи на 19 октомври. Вториот круг е закажан за 2 ноември.