Рано на 16 септември, руските сили започнаа масовен напад врз југоисточниот украински град Запорожје, во кој беше убиен 41-годишен маж, а 13 лица беа ранети, изјави регионалниот гувернер Иван Федоров.
Исто така, беше објавено дека нападот предизвикал голем број пожари.
Гувернерот Федоров рече дека меѓу повредените има две деца. Фотографиите објавени на интернет од гувернерот покажуваат пожарникари како се борат со пожари во приватни домови и други објекти.
Украинските служби за итни случаи пријавија пожар од 350 квадратни метри во три станбени згради и бензинска пумпа од 600 квадратни метри.
Федоров рече дека според прелиминарните извештаи, руските сили извршиле 10 напади од повеќе ракетни лансери, оштетувајќи 10 станбени згради и 12 приватни куќи.
Вашиот пребарувач не подржува HTML5
Сведоштва на преживеани Украинци, евакуирани од село каде што во руски напад загинаа 25 пензионери
Соседна Полска е во состојба на зголемена готовност откако неколку руски беспилотни летала влегоа во нејзиниот воздушен простор минатата недела, што го натера НАТО да испрати борбени авиони да ги соборат.
Русија соопшти дека не ја таргетирала Полска, а сојузникот на Москва, Белорусија, рече дека беспилотните летала скршнале од курсот, бидејќи биле блокирани. Сепак, некои европски лидери се убедени дека упадите биле намерна провокација од страна на Русија.