Украински напад со беспилотно летало оштети индустриски капацитет во руската област Саратов, изјави на 11 февруари регионалниот гувернер Роман Бусаргин.
„Според прелиминарните информации, нема жртви“, изјави Бусаргин на Телеграм.
„Силите за воздушна одбрана ги елиминираа дроновите. Штета има во индустриско претпријатие во Саратов. Оперативните служби работат на места каде што можеби паднале остатоци“, рече Бусаргин.
Руското Министерство за одбрана соопшти дека противвоздушната одбрана пресретнала и уништила 40 украински беспилотни летала во текот на ноќта.
Осумнаесет од беспилотните летала се уништени над регионот Саратов, соопшти Министерството на Телеграма.
„Останатите беа соборени над четири други региони на југ и запад на Русија“, се вели во соопштението.
Руската авијација ги прекина летовите на четири аеродроми за да обезбеди безбедност.
Неколку неофицијални новински канали на руски Телеграм објавија експлозии и пожари во областа на нафтената рафинерија во Саратов, град на реката Волга на околу 725 километри југоисточно од Москва.
Украинскиот напад во јануари врз складиште за нафта во близина на воената воздухопловна база во Енгелс во регионот Саратов предизвика пожар за кој беа потребни денови да се изгасне.
Гувернерот на регионот Белгород претходно изјави дека украински дронови нападнале четири села во регионот. Еден од дроновите удрил во автомобил во Кукуевка, при што бил повреден возачот.
„Друго беспилотно летало нападна станбена зграда, пробивајќи го покривот, ги скрши прозорците и оштети автомобил паркиран во близина“, изјави гувернерот Вјачеслав Гладков.
Вашиот пребарувач не подржува HTML5
Руски ноќен напад со беспилотни летала погоди станбена област во Суми
Тој рече дека имало и напад со дрон врз магацински простории на земјоделско претпријатие.
Киев соопшти дека неговите воздушни напади во Русија се насочени кон уништување на инфраструктурата клучна за воените напори на Москва и се одмазда за континуираните напади на Русија врз Украина, особено нејзината електрична инфраструктура.
Украинските воздухопловни сили претходно соопштија дека неколку групи руски беспилотни летала ја нападнале Украина доцна на 10 февруари, а во голем број региони е прогласена воздушна тревога.
Украинската војска ги советуваше граѓаните да не ги игнорираат воздушните предупредувања.
Воздухопловните сили, исто така, предупредија дека најверојатно има лансирање на крстосувачки ракети Калибр од Црното Море. Во Киев и во голем број региони е прогласена тревога. Од украинска страна нема извештаи за штети.