Нови ЛЕД светла на Акропол

Античките храмови на Акропол во Атина беа осветлени во средата вечерта со нов систем за осветлување кое штеди енергија. ЛЕД уредите за осветлување треба да го намалат таканреченото светлосно загадување. Грчката претседателка Катерина Сакелариу и премиерот Киријакос Мицотакис го пуштија новиот систем за осветлување Партенонот. Според соопштението на Министерството за култура, ова е прв од низата проекти насочени кон надградба на инфраструктурата и услугите на Акропол, финансирани од фондацијата Оназис.