Договорите за нормализирање на односите на Израел со Обединетите Арапски Емирати и со Бахреин нема да доведат до мир на Блискиот Исток, изјави палестинскиот претседател Махмуд Абас, по потпишувањето на договорите на Израел со Обединетите Арапски Емирати (ОАЕ) и Бахреин во Белата куќа. Според Абас, страдањата на Палестинците продолжуваат.
„Условите за постигнување на мир на Блискиот Исток се САД и Израел да го признаат правото на палестинскиот народ да создаде независна држава со главен град Источен Ерусалим, како и да биде решено прашањето со палестинските бегалци“, рече Абас, кој уште во февруари годинава го отфрли планот на претседателот на САД, Доналд Трамп, за Блискиот Исток.
- Абас го отфрли планот на Трамп за Блискиот Исток
- Израел потпиша договори за дипломатски односи со ОАЕ и Бахреин
Израел во Белата куќа, под покровителство на американскиот претседател Доналд Трамп, потпиша договори со Обединетите Арапски Емирати и Бахреин за воспоставување дипломатски односи.